Fevralın 22-də Moskvadakı Yeni Tretyakov Qalereyasında Xalq rəssamı Tahir Salahovun “Tretyakov qalereyasının kolleksiyasından olan əsərlər” adlı sərgisi açılıb.
Bizim.Media-nın məlumatına görə, Heydər Əliyev Fondunun dəstəyi ilə keçirilən “Moskvada Azərbaycan günləri” çərçivəsində təşkil olunan ekspozisiyada görkəmli rəssamın əsərləri sərgilənir. Ziyarətçilərə Tahir Salahovun natürmort, peyzaj, portret janrlarında əsərləri təqdim olunur. Ekspozisiya rəssamın məşhur “Qladioluslar”, “Qara Qarayevin portreti” və “Aydan” əsərləri ilə başlanır.
Tretyakov Qalereyasındakı Tahir Salahov Fondunun əməkdaşı Elmira Jdanova bildirib ki, Tretyakov Qalereyası bu sərgi ilə Tahir Salahovun xatirəsini bir daha yad edir.
“Ekspozisiyada müxtəlif dövrləri əhatə edən əsərlər sərgilənir. Eyni zamanda, rəssamın qalereyaya 2019-cu ildə daxil olmuş sonuncu əsərlərindən biri - “Səhər ovu” əsəri ziyarətçilərə təqdim olunur.
Burada Tahir Salahovun doğma şəhəri Bakıya həsr olunmuş rəsmlərinə də rast gəlinir. Tahir Salahov Azərbaycana və Rusiyaya sevgini özündə birləşdirən təkrarsız incəsənət xadimidir. Onun yaradıcılığında iki xalqın ənənələri öz əksini tapır”, - deyə E. Jdanova qeyd edib.
Bizim.Media
- A-
- A
- A+
Mədəniyyət
00:17 / 23.02.2022
Tahir Salahovun əsərlərindən ibarət sərgi açıldı - FOTO
Hazırda oxunan: Tahir Salahovun əsərlərindən ibarət sərgi açıldı - FOTO
Hazırda oxunan: Tahir Salahovun əsərlərindən ibarət sərgi açıldı - FOTO
61397
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
