Elman Nəsirov: “Sosial şəbəkələrdə söyüş söyənlər cəzalandırılsın” - VİDEO

"Sosial şəbəkələr haqqında qanun hazırlanmasını təklif edirəm".  

Bizim.Media xəbər verir ki, bunu Milli Məclisin bu gün keçirilən iclasında deputat Elman Nəsirov deyib.  

O bildirib ki, sosial şəbəkələrdə söyüş baş alıb gedir: 

“Sosial şəbəkələrdə təhqirlər kütləvi xarakter alıb və mənfi halın qarşısının alınması üçün sosial şəbəkələr haqqında qanunun qəbul edilməsi günün tələbinə çevrilib.
Yeganə sahədir ki, xaos, anarxiya hökm sürür. Kim kimi istəyirsə, söyür, təhqir edir. Kimi istəyirsən, şərəf və ləyaqətini alçalda, işgüzar nüfuzuna xələl gətirə bilirsən. Və tam arxayınsan ki, buna görə heç bir cəza ilə üz-üzə qalmayacaqsan. Cəzasızlıq, nəticə etibarı ilə şirinikləndirici rol oynayır. Görürlər ki, “söydüm, təhqir etdim və heç bir cəza almadım”. 

Bizim.Media