Gəncədə avtoxuliqanlıq edən şəxs saxlanılıb.
Bizim.Media-nın yerli bürosu DİN Gəncə Regional Qrupunun baş inspektoru Eşqin Qasımova istinadən məlumat verir ki, Gəncə sakini İlham Nəbiyev şəhərin Hacıkənd qəsəbəsində “VAZ 2107” markalı avtomobillə qarlı havada təhlükəli manevrlər edərək qəza vəziyyəti yaradıb və bu avtoxuliqanlığı videoya çəkərək sosial şəbəkələrdə paylaşıb.
MÖVZU İLƏ BAĞLI:
Salyanda “avtoş”luq edən şəxs saxlanıldı – FOTO
Polis əməkdaşlarının apardıqları əməliyyatlar nəticəsində şəhər sakini İ. Nəbiyev saxlanılıb və onun barəsində protokol tərtib edilərək cərimələnib.
E.Qasımov onu da əlavə edib ki, Gəncə Yol Polis idarəsinin əməkdaşları tərəfindən şəhər ərazisində keçirdiyi reydlər nəticəsində ayrı-ayrı ərazilərdə nəqliyyat vasitələrində konstruksiya dəyişikliyi edən sürücülər saxlanılıb.
Onların avtomobilləri cərimə meydançasına aparılıb, özləri isə inzibati məsuliyyətə cəlb olunublar.
Məqsəd Rəhimov, Bizim.Media
