Daxili İşlər Nazirliyi (DİN) Bakı metrosunda intihara cəhd hadisəsi ilə bağlı açıqlama verib.
Nazirliyin Mətbuat Xidmətindən Bizim.Media-ya bildirilib ki, Vətən müharibəsi iştirakçısının intihara cəhdinin qarşısı polisin çevik müdaxiləsi ilə alınıb:
“Sosial şəbəkə seqmentlərində ona qarşı zorakılıq edilməsi iddiaların səsləndirilməsi manipulyativ məqsəd daşıyır.
MÖVZU İLƏ BAĞLI:
Metroda gənc oğlan üstünə benzin töküb özünü yandırmaq istədi
Qəti olaraq, polisə heç cinayətkara qarşı zorakılıq etmək imtiyazı verilmir. Vətən müharibəsinin iştirakçısı isə bizim baş tacımızdır, onlara cəmiyyətdə yüksək rəğbət və ehtiram var”.
Xatırladaq ki, ötən gün saat 21 radələrində 20 yaşlı oğlan “Gənclik” metrostansiyasında qatar hərəkət edərkən özünü yandırmağa cəhd edib. Onun bu cəhdinin qarşısı alınıb.
Bizim.Media
