Keçmiş biatlonçu və xizəkçi Anfisa Reztsova 1988-ci ildə Kanadanın Kalqari şəhərindəki Qış Olimpiya Oyunlarından öncə başına gəlmiş xoşagəlməz hadisəni xatırlayıb.
Bizim.Media xəbər verir ki, rusiyalı idmançı "sports.ru" nəşrinə açıqlamasında olimpiadadan əvvəl abort etdirdiyini bildirib.
O, buna medal qazanmaq üçün razılıq verdiyini söyləyib: "Həmin vaxt ölkənin medallara ehtiyacı var idi. Məşqçilər dedilər ki, o, hamilədir, amma uşağı dünyaya gətirməməlidir. Məni Estoniyadan qatarla Moskvaya, ginekoloji dispanserə göndərdilər".
"Xəstəxanada həkim bildirdi ki, həyat yoldaşınla məsləhətləş. Ərimdən soruşdum. Cavabı belə oldu: necə qərar versən, elə də olacaq. Məsuliyyəti öz üzərimə götürüb aborta razılıq verdim".
Reztsovanın sözlərinə görə, abortdan əvvəl İdman Komitəsinin qarşısına şərt qoyub: "Dedim ki, razıyam, amma mənə mənzil verin, valideynlərimizlə qalırıq. Bizə Ximkidə 2 otaqlı mənzil verdilər. Sonra isə Tanrı mənə 4 gözəl qız övladı bəxş etdi".
Qeyd edək ki, biatlon üzrə ikiqat olimpiya çempionu olan Anfisa Reztsova xizək yarışlarında da eyni titulu və 3 dəfə dünya birinciliyini qazanıb. (Report)
Bizim.Media
- A-
- A
- A+
İdman
23:50 / 09.12.2020
Olimpiya çempionu medal qazanmaq üçün abort etdirdi
Hazırda oxunan: Olimpiya çempionu medal qazanmaq üçün abort etdirdi
Hazırda oxunan: Olimpiya çempionu medal qazanmaq üçün abort etdirdi
4799
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
