Bu gün "Bakı Fond Birjası" QSC-də Dövlət Neft Şirkətinin (SOCAR) 100 milyon ABŞ dolları dəyərində yeni istiqrazlarının yerləşdirilməsi üzrə hərrac keçirilib.
Bizim.Media bu barədə birjaya istinadən xəbər verir.
Məlumata görə, hərraca hər birinin nominal dəyəri 1 000 dollar olan 100 000 ədəd faizli, təminatsız, sənədsiz, adlı istiqraz çıxarılıb. Qiymətli kağızlar əsas bazar seqmentində investorlara təklif olunub.
MÖVZU İLƏ BAĞLI:
Rumıniyada “SOCAR” brendli 66-cı YDM istifadəyə verildi
İstiqrazlara 754 investor ümumi məbləği 380,614 milyon dollar təşkil edən 761 sifariş təqdim edib və yerləşdirmə tam baş tutub.
Qiymətli kağızlar 5 il müddətində tədavüldə olacaq. Onların illik gəlirliliyi 4,5%-dir. Faizlər rüblük ödəniləcək. Prosesin anderrayteri "PSG-Kapital İnvestisiya Şirkəti" QSC-dir.
Bizim.Media
