Avropa Yenidənqurma və İnkişaf Bankı (AYİB) Gəncə şəhərinə 12,5 milyon avro kredit ayıracaq.
Bizim.Media xəbər verir ki, bu haqda xəbər Bankın rəsmi saytında yer alıb.
Məlumatda bildirilir ki, layihə, şəhərin küçə işıqlandırma infrastrukturunu təkmilləşdirərək əhəmiyyətli enerji qənaəti yaratmağı hədəfləyəcək.
Küçə işıqlandırma aktivlərinin istismar və təmir xərclərini optimallaşdırmağa və CO2 tullantılarının qarşısını almağa kömək edəcək. Saytda layihənin dekabr ayında təsdiqlənəcəyi bildirilib.
Xatırladaq Azərbaycan 1992 -ci ildən AYİB -in üzvüdür. Bu müddət ərzində 177 layihənin həyata keçirilməsi üçün Azərbaycana təxminən 3,5 milyard avro məbləğində kredit ayırıb.
Xatirə, Bizim.Media
