Rusiyalı səfir Caqaryan İran Xarici İşlər Nazirliyinə çağırıldı – SƏBƏB - FOTO

Hazırda oxunan: Rusiyalı səfir Caqaryan İran Xarici İşlər Nazirliyinə çağırıldı – SƏBƏB - FOTO

32346

Rusiyanın Tehrandakı səfiri Levan Caqaryan İran Xarici İşlər Nazirliyinə çağırılıb.

Bizim.Media xəbər verir ki, bu haqda informasiyanı TASS agentliyi Rusiyanın İrandakı səfirliyinin mətbuat xidmətinə istinadən yayıb.

"Rusiyanın Tehrandakı səfirliyinin binası fonunda səfir Caqaryanın Britaniya səfiri Saymon Şerklifflə birgə fotosuna İran ictimaiyyətinin reaksiyası ilə əlaqədar Rusiyanın İrandakı səfiri Levan Caqaryan İran Xarici İşlər Nazirliyinə çağırılıb", - deyə səfirliyin məlumatında bildirilib.

Həmin foto Rusiyanın İrandakı səfirliyinin "Twitter" hesabında paylaşılıb.

Qeyd edək ki, Levan Semyonoviç Caqaryan 1957-ci il sentyabrın 7-də Tbilisi şəhərində anadan olub. O, 1986-cı ildə Moskva Dövlət Beynəlxalq Əlaqələr İnstitunu bitirib. Rus, fars, ingilis, erməni, gürcü, tacik, dari və fransız dillərini bilən diplomat Orta Şərq və Mərkəzi Asiya bölgəsi üzrə ekspert kimi tanınır.

Bizim.Media