Avqustun 10-da UNICEF-in Azərbaycandakı yeni təyin olunmuş nümayəndəsi Aleks Haykens Azərbaycanın xarici işlər naziri Ceyhun Bayramova akkreditasiya məktubunu təqdim edib.
Bizim.Media xəbər verir ki, bu barədə qurumdan məlumat verilib.
"UNICEF-in Azərbaycan hökuməti ilə uzun müddət davam edən tərəfdaşlığını daha da gücləndirmək və ölkədə hər bir uşaq üçün daha yaxşı gələyi təmin etmək naminə birlikdə çalışmaq əzmindəyəm" – A. Haykens vurğulayıb.
Niderland vətəndaşı olan Haykens bundan əvvəl dörd il UNICEF-in Monqolustandakı nümayəndəsi olaraq fəaliyyət göstərib və uşaqların qorunması, sağlamlığı, qidalanması, su/sanitariya/gigiyena, təhsil, erkən uşaqlıq dövründə inkişaf, yeniyetmələrin həyat bacarıqları, sosial müdafiə, havanın çirklənməsi və iqlim dəyişikliyi kimi sahələri əhatə edən UNICEF-in Ölkə Proqramının icrasına rəhbərlik edib.
2020-ci ildən başlayaraq o, diqqət və səylərini hökumətin COVID-19 pandemiyasının uşaqlara təsirini aradan qaldırmaq səylərinə dəstək, COVID-19 peyvəndlərinin əldə edilməsinə yönəldib.
Bizim.Media
- A-
- A
- A+
Siyasət
15:33 / 10.08.2021
UNICEF Azərbaycana yeni nümayəndə təyin etdi
Hazırda oxunan: UNICEF Azərbaycana yeni nümayəndə təyin etdi
Hazırda oxunan: UNICEF Azərbaycana yeni nümayəndə təyin etdi
32048
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
