Şuşanın düşməndən azad edilməsinin mənəvi rəmzi olan “Zəfər yolu”nun dövlətimizin başçısının tapşırıq və sərəncamına əsasən, Azərbaycan Avtomobil Yolları Dövlət Agentliyi tərəfindən genişləndirilərək inşası davam etdirilir.
Bizim.Media Agentliyə istinadən xəbər verir ki, görülmüş işlər nəticəsində yol boyunca gediş-gəliş təmin olunub.
Başlanğıcını Hacıqabul-Mincivan-Zəngəzur dəhlizi magistral avtomobil yolundan götürməklə “Zəfər yolu” Qarabağımızın tacı olan Şuşa şəhərinə qədər uzanır.
Hazırda yolboyu genişmiqyaslı tikinti işləri icra edilir. Yolun bəzi çətin relyefə malik qayalıq ərazidən keçən hissələrində layihə eninin alınması üçün dağların partladılması üsulu ilə yeni yol yatağı inşa edilir.
Yeni inşa edilən yol boyunca layihəyə uyğun suların ötürülməsini təmin etmək məqsədilə dairəvi boru və düzbucaqlı su keçidləri, həmçinin zəruri olan yerlərdə 3 yeni avtomobil körpüsünün inşası da davam etdirilir.
İşğaldan azad edilmiş Füzuli, Xocavənd, Xocalı və Şuşa rayonlarının ərazisindən keçməklə inşa edilən “Zəfər yolu” Füzuli və Şuşa şəhərləri də daxil olmaqla sözügedən rayonların 20-dən artıq yaşayış məntəqəsini əhatə edəcək.
Bizim.Media
![“Zəfər yolu”ndan XƏBƏR VAR “Zəfər yolu”ndan XƏBƏR VAR](https://bizim.media/file/articles/2021/07/07/1625637459_0de-3.jpg)
- A-
- A
- A+
Cəmiyyət
09:55 / 07.07.2021
“Zəfər yolu”ndan XƏBƏR VAR
Hazırda oxunan: “Zəfər yolu”ndan XƏBƏR VAR
Hazırda oxunan: “Zəfər yolu”ndan XƏBƏR VAR
27667
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.