"Neftçi" yeni mövsümə başlamadan öncə üç futbolçusu ilə yollarını ayırmaq niyyətindədir.
Bizim.Media xəbər verir ki, "ağ-qaralar"ın baş məşqçisi Samir Abasov həmin oyunçuları heyətdə görmək istəmir.
Daha doğrusu mütəxəssis məcbur qalmadığı müddətdə onlara oynamaq üçün şans belə vermək niyyətində deyil. Həmin futbolçular Ramil Şeydayev, Andrey Ştoqrin və Ryonosuke Ohoridir. "Neftçi" hazırda bu oyunçularla vidalaşmağın yollarını axtarır.
Qeyd edək ki, Azərbaycan Premyer Liqasında yeni mövsümə avqustun 15-də start veriləcək. "Neftçi" ilk turda "Şamaxı"nı qəbul edəcək.
Rəşad Rafiqoğlu, Bizim.Media
