"Çelsi" heyətini yeni futbolçu ilə gücləndirməyə hazırlaşır.
Bizim.Media xəbər verir ki, bu barədə insayder Fabritsio Romano məlumat yayıb.
London təmsilçisi "Ayaks"dan Jorrel Hato ilə razılaşıb. "Çelsi" 19 yaşlı sol cinah müdafiəçisi ilə 7 illik müqavilə imzalayacaq.
"Zadəganlar" Hato üçün 40 milyon avro ödəyəcəklər. Bildirilib ki, o, yaxın vaxtlarda tibbi müayinədən keçəcək.
Qeyd edək ki, Jorrel "Ayaks"ın heyətində 111 oyun keçirib, 4 qol vurub, 9 məhsuldar ötürmə verib və 20 sarı vərəqə alıb.
Bizim.Media
