“Səbail”in futbolçusu “Şamaxı”ya KEÇİR

Premyer Liqanı tərk edən "Səbail"in futbolçusu Oruc Məmmədov klubunu dəyişəcək.

Bizim.Media xəbər verir ki, 20 yaşlı yarımmüdafiəçi Premyer Liqada oynamağa davam edəcək.

U-21 millimizin xidmətində maraqlı olan klub "Şamaxı"dır. Hazırda millinin düşərgəsində olan gənc futbolçu bölgə təmsilçisi ilə müqavilə imzalayacaq.

Qeyd edək ki, Oruc Məmmədov başa çatan mövsümdə "Səbail"in heyətində 18 rəsmi matçda iştirak edib.

Rəşad Rafiqoğlu, Bizim.Media