Artıq üçüngü gündür ki, Şimal-Qərb bölgəsində qeyri-sabit hava şəraiti davam edir.
Bizim.Media-nın yerli bürosu Regional Hidrometereologiya Mərkəzinə istinadən bildirir ki, fasilələrlə yağan yağış bu gün də davam edəcək.
Yağıntıların aylıq miqdarı Şəkidə 19 mm, Qəbələdə 18 mm, Zaqatalada isə 20 mm təşkil edir.
Bölgədə hava şəraitinin dəyişməsi, gözlənilən yağıntılarla bağlı əksər dövlət qurumları gücləndirilmiş iş rejiminə keçib. Xüsusən dağ çaylarında baş verə biləcək daşqınlarla əlaqədar su melorasiya sistemləri idarələri, elektrik enerjisi, qaz təchizatı, telefon-rabitə müəssisələrinin işçiləri artıq ikinci gündür növbəlilik əsasında çalışır.
Rayon Fövqəladə Hallar Komissiyasından bildirilib ki, əksər dağıdıcı çayların kənarına ehtiyat ağır texnikalarlar cəlb edilib.
Səhər saatlarına olan məlumata əsasən hələlik bölgə rayonlarında sel-su basma yaxud təchizatla bağlı ciddi problem qeydə alınmayıb. Yerli bələdiyyə və icra orqanları ilə daimi əlaqə saxlanılır.
Havaların kəskin dəyişməsi və yağışların intensizləşməsi kənd təsərrüfatı bitkiləri o cümlədən çiçək fazasında olan meyvə ağacları üçün problem yarada biləcəyi ilə bağlı mütəxəssislər xəbərdarlıq edib. Belə ki, yağışlar kəsiləndən sonra aqrokimyəvi tədbirlərin görülməsi zəruridir.
Tural Rasimoğlu, Bizim.Media, Şimal-Qərb bürosu
