“Təəssüf ki, hələ də Ermənistan tərəfindən 10 noyabr tarixli bəyanatdan və ümumilikdə, beynəlxalq humanitar hüquqdan irəli gələn öhdəliklərinin pozulmasının şahidiyik”.
Bizim.Media-nın xəbərinə görə, bunu Azərbaycanın xarici işlər naziri Ceyhun Bayramov Avropa Şurası Nazirlər Komitəsinin 131-ci iclasında çıxışı zamanı deyib.
“Bu xüsusda, Ermənistanın hələ də Azərbaycanın işğaldan azad olunmuş ərazilərində yerləşdirilmiş minaların xəritələrini təqdim etməkdən imtina etməsi, eləcə də Ermənistanın 1991-1994-cü illər ərzində Azərbaycana qarşı törətdiyi hərbi təcavüz nəticəsində itkin düşmüş 4000-ə yaxın azərbaycanlının taleyi barədə məlumatı təqdim etməməsi ciddi narahatlıq kəsb edir”, - deyə nazir vurğulanıb.
Nazir Avropa Şurası da daxil olmaqla, beynəlxalq ictimaiyyəti Ermənistanı revanşist fəaliyyət və Azərbaycana qarşı olan nifrətdən imtina edərək, davamlı sülh, regional əməkdaşlıq və inkişaf üçün unikal imkandan istifadə etməyə inandırmaqda qətiyyət nümayiş etdirməyə çağırıb. (Apa)
Bizim.Media
- A-
- A
- A+
Siyasət
17:37 / 21.05.2021
"Ermənistan 10 noyabr bəyanatından irəli gələn öhdəlikləri pozur" - Ceyhun Bayramov
Hazırda oxunan: "Ermənistan 10 noyabr bəyanatından irəli gələn öhdəlikləri pozur" - Ceyhun Bayramov
Hazırda oxunan: "Ermənistan 10 noyabr bəyanatından irəli gələn öhdəlikləri pozur" - Ceyhun Bayramov
21924
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
