Azərbaycanın kişilərdən və qadınlardan ibarət milliləri Macarıstanın paytaxtı Budapeştdə təşkil olunan 45-ci Ümumdünya Şahmat Olimpiadasında bu gün V turun görüşlərini keçirib.
Bizim.Media xəbər verir ki, kişilərdən ibarət yığmamız favorit göstərilən Hindistana uduzub - 1:3.
Aydın Süleymanlı ilə Rauf Məmmədov məğlub olub. Nicat Abasov və Şəhriyar Məmmədyarov heç-heçə oynayıb. 5 turdan sonra millimizin hesabında 8 xal var.
Qadınlardan ibarət Azərbaycan yığması Ukrayna ilə heç-heçə oynayıb. Görüş 2:2 hesabıyla yekunlaşıb. Günay Məmmədzadə məğlub olduğu halda, Gövhər Beydullayeva qələbəyə sevinib. Ülviyyə Fətəliyeva və Xanım Balacayevanın partiyası heç-heçə başa çatıb. Hazırda komandamızın aktivində 8 xal var.
Qeyd edək ki, kişilərdən ibarət yığmamız buna qədər Monteneqro (3:1), İordaniya (3,5:0,5), Finlandiya (3,5:0,5) və Moldovanı (3:1) məğlub edib. Qadınlardan ibarət komandamız isə Sloveniya (3:1), Nikaraqua (4:0) və Avstraliyadan (3:1) üstün olub, Argentina ilə heç-heçə edib - 2:2.
Bizim.Media
- A-
- A
- A+
İdman
00:06 / 16.09.2024
Şahmat Olimpiadasında kişilərdən ibarət millimiz uduzdu - Qadınlar heç-heçə etdi
Hazırda oxunan: Şahmat Olimpiadasında kişilərdən ibarət millimiz uduzdu - Qadınlar heç-heçə etdi
Hazırda oxunan: Şahmat Olimpiadasında kişilərdən ibarət millimiz uduzdu - Qadınlar heç-heçə etdi
211629
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
