Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin təsdiq etdiyi plana əsasən mayın 16-dan Azərbaycan Ordusunda qoşun növlərinin cəlb edilməsi ilə təlimlər keçiriləcək.
Bu barədə Bizim.Media-ya Müdafiə Nazirliyindən məlumat verilib.
Bildirilib ki, müdafiə nazirinin rəhbərliyi ilə keçiriləcək təlimə 15000 nəfərədək şəxsi heyət, 300-dək tank və digər zirehli texnika, 400-dək müxtəlif çaplı raket və artilleriya qurğusu, yaylım atəşli reaktiv sistemləri, minaatan və tank əleyhinə vasitələr, 50-dək hərbi aviasiya və müxtəlif təyinatlı pilotsuz uçuş aparatları cəlb olunacaq.
Təlimlərdə Vətən müharibəsində qazanılan döyüş təcrübəsi nəzərə alınmaqla əsas diqqət qoşunların idarəolunması, döyüşə hazırolma vəziyyətinə gətirilməsi və yenidən qruplaşması, o cümlədən ümumqoşun birlikləri, Raket və Artilleriya Qoşunları, aviasiya, Xüsusi Təyinatlı Qüvvələr arasında döyüş uzlaşması və qarşılıqlı fəaliyyətin təkmilləşdirilməsinə yönəldiləcək.
Mayın 20-dək davam edəcək təlimlərdə qoşunlar eyni zamanda qanunsuz silahlı qruplaşmaların təxribatlarının qarşısının alınması və əks fəaliyyətlə terrorçuların zərərsizləşdirilməsi üzrə tapşırıqları da icra edəcək.
Bizim.Media
![Azərbaycan Ordusu təlimlərə başlayır – 15 min hərbçi, 300 tank, 50 təyyarə... Azərbaycan Ordusu təlimlərə başlayır – 15 min hərbçi, 300 tank, 50 təyyarə...](https://bizim.media/file/articles/2021/05/12/1620815475_1-kcur-kcur-kcur-kcur-kcur-kcur-kcur.jpg)
- A-
- A
- A+
Cəmiyyət
14:28 / 12.05.2021
Azərbaycan Ordusu təlimlərə başlayır – 15 min hərbçi, 300 tank, 50 təyyarə...
Hazırda oxunan: Azərbaycan Ordusu təlimlərə başlayır – 15 min hərbçi, 300 tank, 50 təyyarə...
Hazırda oxunan: Azərbaycan Ordusu təlimlərə başlayır – 15 min hərbçi, 300 tank, 50 təyyarə...
20927
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.