Dövlət Vergi Xidmətində işləmək istəyənlərin nəzərinə: Nəticələr açıqlandı

Hazırda oxunan: Dövlət Vergi Xidmətində işləmək istəyənlərin nəzərinə: Nəticələr açıqlandı

208962

İqtisadiyyat Nazirliyi yanında Dövlət Vergi Xidməti (DVX) tərəfindən vakant vəzifələrə işə qəbulla bağlı müsabiqənin nəticələri açıqlanıb.

Bizim.Media bu barədə DVX-ya istinadən xəbər verir.

Vakant vəzifələrə işə qəbulla bağlı test imtahanı ötən ilin noyabr ayında Dövlət İmtahan Mərkəzi ilə birlikdə keçirilib. Test imtahanında ümumilikdə 2 392 nəfər iştirak edib, onlardan 616 namizəd 70 və daha yüksək bal toplamaqla müsabiqə şərtlərini ödəyərək ikinci mərhələyə - müsahibəyə buraxılıb.

Müsabiqənin digər ixtisas sahələri üzrə ikinci mərhələsində iştirak edən daha bir qrup namizədlə bağlı yekun nəticələr açıqlanıb. Bu mərhələdə iştirak etmiş 95 namizəddən 67-si müsabiqəni uğurla başa vurub.

Uğur qazanan namizədlər DVX-nın kadr ehtiyatı bazasına daxil edilərək vakant vəzifələrə təyin olunacaqlar. Müsabiqənin nəticələri barədə ətraflı məlumatla buradan tanış olmaq mümkündür.

Qeyd edək ki, müsahibələr mərhələli şəkildə keçirilir və başa çatdıqdan sonra nəticələri elan olunur.

Bizim.Media