Azərbaycanda inşa edilən “Ro-Pax” tipli gəmi ilk səfərini Bakı Limanından gerçəkləşdirəcək.
Bizim.Media xəbər verir ki, bunu "Bakı Beynəlxalq Dəniz Ticarət Limanı" QSC-nin mətbuat katibi Elmar Həbibli deyib.
MÖVZU İLƏ BAĞLI:
Milli Qəhrəmanın adını daşıyan gəmi təmir olundu
Onun sözlərinə görə, hazırda Bakı Limanında gəminin yüklənməsi prosesi operativ şəkildə həyata keçirilir:
"İlk səfərini Qazaxıstanın Kurık limanına edəcək gəmi vasitəsilə 40 ağırtonnajlı avtomobil (TIR), 19 minik maşını, 43-ü TIR sürücüsü olmaqla, 47 sərnişinin daşınması planlaşdırılır. Yaxın saatlarda gəminin Bakı Limanından yola salınması planlaşdırılır".
Qeyd edək ki, “Ro-Pax” tipli gəmi ilə həm yükdaşıma, həm də sərnişindaşıma həyata keçirilir.
Bizim.Media
