Elektriklə işləyən avtomobillərdən istifadə getdikcə çoxalır. Məlumdur ki, bu avtomobillər ekoloji cəhətdən təmiz hesab olunur və yanacaq sərfiyyatına qənaət edir. Amma iddalara görə ətraf mühitin çirklənməsinin qarşısını alan bu avtomobillərin insan sağlamlığına mənfi təsiri var. Mütəxəssislərin bildirdiyinə görə elektrikli avtomobillərdə mövcud olan şüanın çoxluğu kişilərdə sonsuzluq yaradır.
Bəs bu iddialar nə qədər doğrudur?
MÖVZU İLƏ BAĞLI:
Elektromobil almaq istəyənlər üçün MÜHÜM AÇIQLAMA
Tibb elmləri doktoru, professsor Adil Qeybulla Bizim Media-ya açıqlamasında bildirib ki, elektrikli avtomobillərin insan sağlamlığına zərərini müəyyən etmək üçün zaman lazımdır.
“Elektrik avtomobillər istehsala təzə buraxılıb və onların insan orqanizminə zərərləri yaxın vaxtda müəyyən edilə bilməz. Buna bəlli bir zaman lazımdır. Bu avtomobillər birinci növbədə ekologiyanı nəzərə alaraq buraxılıb.
Burada orqanizm üçün təhlükəli bir maqnit sahəsindən söhbət getmir. Bu cür şayiələr insanlar arasında tez yayılır və onları qorxudur, amma bir şeyi nəzərə almaq lazımdır ki bununla bağlı xəstəliklərə nəzarət üzrə dünyanın aparıcı mərkəzləri məlumat verir” ,- deyə o bildirib.
Çiçək Sadatova, Bizim.Media
