Son iki gündə Qubanın dağlıq Qonaqkənd-Xaltan-Qarxun kəndləri istiqamətində yerləşən kəndlərə güclü yağışdan sonra sel gəlib və yol infrastrukturuna ziyan dəyib.
Bizim.Media xəbər verir ki, sel suları Xaltan, Adur, Qarxun, Dərk yollarını yuyub aparıb. Qarxun kəndi ilə Dərk kəndini burləşdirən körpü uçub.
Qubadakı 11 saylı Xüsusi Təyinatlı Yol İdarəsinun rəisi Hikmət Seyidov faktı təsdiqləyib.
Onun sözlərinə görə, selin fəsadları qismən aradan qaldırılıb və bərpa işləri davam etdirilir.
Onun sözlərinə görə, hava şəraiti imkan versə, iyunun 15-də Qarxun körpüsü bərpa ediləcək:
"Sabah da bu ərazidən güclü selin keçəcəyi gözlənilir".
Aytəkin Alxaslı, Bizim.Media, Şimal bürosu
