Suriyadan qaytarılmış 8 vətəndaşımızla bağlı sosial reabilitasiya tədbirlərinə başlanılıb

Azərbaycan Hökuməti tərəfindən Suriyadan ölkəmizə repatriasiya olunmuş üç ailə olmaqla daha 8 vətəndaşımız Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyi tərəfindən sosial xidmət müəssisəsinə yerləşdirilib.

Nazirliyin İctimaiyyətlə əlaqələr şöbəsindən Bizim.Media-ya verilən məlumata görə, Agentliyin sosial işçi və psixoloqu tərəfindən 8 nəfər repatriantın hər biri ilə bağlı sosial-psixoloji qiymətləndirmə aparılıb.

Bunun əsasında müvafiq sosial reabilitasiya planı hazırlanaraq sosial reabilitasiya tədbirlərinə başlanılıb.
Repatriantlar müəssisədə sosial-reabilitasiya xidmətləri ilə təmin edildikdən sonra qohumlarına təhvil veriləcək.

Sosial-reabilitasiya və reinteqrasiya tədbirləri şəxslərin yaşadıqları ərazi üzrə Sosial Xidmətlər Agentliyinin müvafiq regional filialları tərəfindən digər aidiyyəti qurumlarla qarşılıqlı əməkdaşlıq şəraitində davam etdiriləcək.

Bizim.Media