Sosial şəbəkələrdə hibrid avtomobillərin Bakı-Quba-Rusiya Federasiyası ödənişli yoluna buraxılmaması barədə iddialar yayılıb. Sosial şəbəkədə video paylaşan sürücü bildirib ki, yolun girişindəki elektron lövhədə "Hibrid giriş yoxdur" yazısı qeyd olunub.
Bizim.Media xəbər verir ki, məsələ ilə bağlı "unikal.az"a açıqlama verən Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli bildirib ki, bu iddialar əsassızdır:
"Orada "hibrid avtomobillər" sözü yazılmayıb. "Hibrid giriş yoxdur" yazılıb. Bu isə sisitemə aid olan məsələdir.
Həmin zaman sistemdə yoxlamalar aparılıb. Bu səbəbdən sözügedən yazı lövhədə əks olunub. O lövhədə "Xoş gəldiniz, xoş getdiniz" və yaxud digər yazılar da yazıla bilər.
Bir sözlə, hibrid avtomobillərin ödənişli yola buraxılması ilə bağlı hər hansı bir məhdudiyyət yoxdur və ola da bilməz", - deyə o qeyd edib.
Bizim.Media
