Bakıda saxlanılan narkokuryerlərdə 2 kiloqram narkotik vasitə və 830 ədəd metadon həbi aşkar olunub.
Daxili İşlər Nazirliyindən Bizim.Media-ya bildirlib ki, Sabunçu Rayon Polis İdarəsinin Cinayət Axtarış Şöbəsinin əməkdaşlarının həyata keçirdikləri tədbirlərlə narkotiklərin qanunsuz dövriyyəsi ilə məşğul olan Əfsun İbrahimli və İbrahim Abıyev saxlanılıblar.
Həmin şəxslərdən və mənzilləindən 2 kiloqrama yaxın marixuana, metamfetamin, psixotrop tərkibli 830 ədəd metadon həbi və narkotiklərin satışında istifadə etdikləri 2 ədəd elektron tərəzi aşkarlanıb.
Dindirmə zamanı saxlanılanlar şəxsiyyəti istintaqla araşdırılan İran vətəndaşı tərəfindən narkokuryerliyə cəlb olunduqlarını bildiriblər. Onların daxil olduqları narkoşəbəkənin digər üzvlərinin saxlanılması istiqamətində tədbirlər davam etdirilir.
![](http://ssl.bizim.media/file/articles/2024/04/03/1712130663_660d07f5aea5d660d07f5aea5e1712130037660d07f5aea5b660d07f5aea5c.jpg)
![](http://ssl.bizim.media/file/articles/2024/04/03/1712130620_660d07f5bdffd660d07f5bdffe1712130037660d07f5bdffa660d07f5bdffc.jpg)
Bizim.Media