Şimal-Qərb bölgəsində yollar qatı dumana bürünüb, hərəkət məhdulaşıb.
Bizim.Media-nın yerli bürosu xəbər verir ki, səhər saatlarından başlayaraq bölgənin əksər magistrallarında çiskinli, dumanlı vəziyyət yaranıb.
Hazırda Qaraməryəm-İsmayıllı-Şəki magistralında qatı duman olduğundan nəqliyyat vasitələri çətinliklə hərəkət edir. Bölgənin dağlıq və dağətəyi yaşayış məntəqələrinə gedən yollarda da qatı duman qaldığından nəqliyyat vasitələri sürət həddini aşağı salıb.
Sürücülərdən xahiş olunur ki, bu yollarda sürət həddini aşmadan, diqqətli olsunlar.
Tural Rasim oğlu, Bizim.Media, Şimal-Qərb bürosu
