Baş Prokuror ölkə gündəmini zəbt edən qətldən DANIŞDI - “Müəyyən boşluqlar olub” - VİDEO

“Bu, dəhşətli hadisədir. Bizi çox narahat edir. Düzdür, artıq barəsində həbs qətimkan tədbiri seçilib. Amma bizi burada daha çox maraqlandıran bu hadisənin baş verməsinə səbəb və şəraitdir”. 

Bizim.Media xəbər verir ki, bunu Baş Prokuror Kamran Əliyev Bakıda 5 ailə üzvünün qətlə yetirilməsi ilə bağlı REAL TV-nin rəhbəri Mirşahin Ağayevlə söhbətində bildirib.

Baş Prokuror bildirib ki, artıq bunun araşdırılması üçün ciddi tapşırıq verilib: 

“Belə şəxsin cəmiyyətdə, azadlıqda olması cəmiyyət üçün təhdiddir. Bununla bağlı aidiyyəti qurumlar qarşısında təkliflər hazırlayacağıq. İndidən hiss etdiyim odur ki, burada müəyyən boşluqlar olub. Ola bilsin ki, boşluqlar qanunlarda, qanunların tətbiqində olub. Ki, belə cəmiyyət üçün təhlükəli olan bir şəxs belə bir hadisəni törədib. Hesab edirəm ki, biz bu barədə ciddi fikirləşməliyik”.