Nazir müavininə yeni vəzifə verildi - FOTO

Azərbaycan Respublikası energetika nazirinin müavini Elnur Soltanov COP29 Azərbaycan üzrə baş icraçı direktor təyin edilib.

Bizim.Media xəbər verir ki, bu barədə COP29-un rəsmi “X” hesabında məlumat verilib.

Elnur Soltanov 2004-2009-cu illərdə Texas Texnologiya Universiteti, Slippery Rock Universiteti və Truman Dövlət Universitetində pedaqoji fəaliyyətlə məşğul olub.

O, eyni zamanda 2000-2003-cü illərdə Türkiyədə Avrasiya Strateji Araşdırmalar Mərkəzində elmi işçi vəzifəsində çalışıb və .sonra fəlsəfə doktoru elmi dərəcəsini alıb. Daha sonra 2003-2009-cu illərdə ABŞ-nin Texas Texnologiya Universitetinin siyasi elmlər fakültəsində aspirantura təhsili alıb.
E. Soltanov 2009-2018-ci illərdə ADA Universitetində baş müəllim, Xəzər Enerji və Ətraf Mühit Mərkəzinin direktoru, İctimai və Beynəlxalq Əlaqələr Məktəbinin dekanı vəzifələrində çalışıb. 

2018-ci ildən etibarən Azərbaycan Respublikası energetika nazirinin müavini vəzifəsində çalışır.




Bizim.Media