Dilarə Əliyeva: “Ülviyyə Əliyeva ana olmağını hamıdan gizlədib” - AÇIQLAMA  

“Keyxanım” obrazı ilə məşhurlaşan, Azərbaycan Dövlət Akademik Musiqili Teatrın aktrisası, Əməkdar artist Ülviyyə Əliyeva ana olub. 

Məsələ ilə bağlı Bizim.Media-nın əməkdaşı Ülviyyə Əliyeva ilə əlaqə saxlasa da, aktrisa zənglərimizi cavabsız qoyub. 

Daha sonra redaksiyamızın əməkdaşı Ülviyyənin yaxın rəfiqəsi və həmkarı Əməkdar artist Dilarə Əliyeva ilə əlaqə saxlayıb. Aktrisa qısa olaraq bildirib ki, Ülviyyə anasının xəstəliyi və vəfatı ilə əlaqədar bu xəbəri hamıdan gizlədib və bu haqda danışmaq istəməyib. O bildirib ki, Ülviyyə oğluna Amin adını verib və uşaq artıq 2 aylıqdır. 
Xatırladaq ki, Əməkdar artist Ülviyyə Əliyevanın anası Zemfira Məmmədəliyeva uzun sürən xərçəng xəstəliyindən ötən ilin dekabırın 9-da dünyasını dəyişib.

Qeyd edək ki, Ülviyyə Əliyevanın ana olması xəbərini ilk olaraq olay.az saytı yayıb. 

Rəşad Əliyev, Bizim.Media