DYP-dən valideynlərə müraciət: Övladlarınızı yollarda nəzarətsiz qoymayın

Baş Dövlət Yol Polisi İdarəsi qarlı hava şəraiti ilə bağlı valideynlərə müraciət edib.

Daxili İşlər Nazirliyinin mətbuat xidmətindən Bizim.Media-ya daxil olan müraciətdə deyilir:

Əziz valideynlər:

- övladlarınızı yollarda nəzarətsiz qoymayın;

- uşaqların avtomobil yollarında və ya yol kənarlarında qarla oynamalarına, eləcə də yollarda sürüşmələrinə icazə verməyin;

- uşaqların əyləncələrini təhlükəsiz hesab olunan parklarda və yaşayış binalarının qarşısında salınan istirahət zonalarında təşkil edin.

Nəzərə almaq lazımdır ki, belə havalarda tormuzlama zamanı avtomobillərin yolda sürüşmə ehtimalı yüksəkdir.

Bizim.Media