Bu gün səhər saat 07:45 radələrində Türkiyənin Qars şəhərində iki sərnişin avtobusunun və bir yük maşınının iştirakı ilə zəncirvari yol qəzası baş verib.
Bizim.Media Anadolu Agentliyinə istinadən xəbər verir ki, 2 nəfər ölüb, 8 nəfər yaralanıb.
Ərzurumun Horasan rayonu ilə Qarsın Sarıqamış rayonu arasındakı avtomobil yolu üzərində baş verən qəzaya ağlamlıq, jandarma və axtarış-xilasetmə qrupları sövq edilib.
İkisi ağır olan yaralılar Sarıqamış Dövlət Xəstəxanasına göndərilib.
Qəzaya uğrayan avtobuslardan birinin Kocaeli Sarıqamış Dərnəyinin tələbi ilə Dərincə Bələdiyyəsi tərəfindən icarəyə götürüdüyü və Sarıqamışda keçirilən anım mərasimlərinə gedən insanları daşıdığı məlum olub.
Qəzanın eyni zamanda ərazidəki qar, duman və buzlanma səbəbindən baş verdiyi bildirilir.
Rövşən Ziya, Bizim.Media
