İlin ilk günlərində Şimal bölgəsində qar YAĞIBMI?

Şimal bölgəsində ilin ilk günlərində hamının gözlədiyi qar yağması müşahidə edilməyib. 

Bölgədə nisbətən günəşli, dumanlı hava hökm sürür. Quba ərazi hidrometerologiya müəssisəsindən Bizim.Media-ya verilən məlumata görə, bir neçə gündür yağıntısız hava müşahidə edilir.

Yalnız bu gün səhər Qubanın Xaltan kəndində  2,3 dərəcə, Qrız kəndində isə 2 dərəcə şaxta qeydə alınıb. Qusarın Ləzə kəndində isə köhnə ildən yağmış 1 sm-ə yaxın qar qalıb.

Beləliklə, ilin qarsız keçən ilk günləri, yəni iqlim dəyişikliyinin bu il də problem yaradacağından xəbər verir.

Aytəkin Alxaslı, Bizim.Media, Şimal bürosu