Heydər Əliyev Sarayı bu dəfə aşıq musiqisini sevənləri bir araya toplayıb. Təbrizin məşhur "Dalğa" musiqi qrupunun üzvləri, cənublu-quzeyli Azərbaycan sənətkarları tamaşaçılara əsl musiqi bayramı yaşadıblar.
“Təbrizin səsi” adlı konsertlə çıxış edən qrupun rəhbəri Çingiz Mehdipur bir neçə ildir Bakıda konsert verə bilmədiyini deyib.
Gecədə iştirak edən elm adamları, millət vəkilləri, şair və yazıçılar çıxış edərək aşıq sənətinin tarixindən, mənəvi zənginliyindən söhbət açıblar.
Müxtəlif illərdə paytaxtda konsert verən qrup bu dəfə də özünəməxsus ifaları ilə tamaşaçıların yaddaşında qalmağı bacarıb.
Bizim.Media videoreportajı təqdim edir:
Günay Şahmar, Nicat Niftəliyev, Bizim.Media
