Xəbər verdiyimiz kimi, bu gün Türkiyənin meqastarı Tarkan Təvətoğlu Bakıda konsert proqramı ilə çıxış edəcək.
Bizim.Media xəbər verir ki, "Baku Crystal Hall" səhnəsində çıxış edəcək sənətçi konsert öncəsi "sound check" (səs yoxlaması) edib.
"Sound check" bitəndən sonra tamaşaçıları hissə-hissə zala buraxıblar. Bu anda Tarkan sevənlər səs-küylə zala daxil olaraq, səhnənin önünə qaçıblar. Müğənnini yaxından görmək üçün onların əksəriyyəti fan zonaya axın ediblər.
Qeyd edək ki, Tarkan bir neçə saatdan sonra səhnəyə çıxaraq 6 illik həsrətə son qoyacaq. Belə ki, meqastar Bakıda sonuncu dəfə 2017-ci ildə Formula 1 Azərbaycan Qran Prisinin ilk günündə konsertlə çıxış etmişdir.
![](http://ssl.bizim.media/file/articles/2023/11/25/1700923688_photo_5408848579134607053_y.jpg)
![](http://ssl.bizim.media/file/articles/2023/11/25/1700923721_photo_5408848579134607054_y.jpg)
![](http://ssl.bizim.media/file/articles/2023/11/25/1700923685_photo_5408848579134607059_y.jpg)
Rəşad Əliyev, Bizim.Media