Monteneqroda şahmat üzrə komandalar arasında Avropa çempionatında II turun oyunları keçirilib.
Bizim.Media xəbər verir ki, birinci turda Danimarkaya uduzan kişi şahmatçılardan ibarət Azərbaycan millisi bu dəfə Slovakiya ilə üz-üzə gəlib.
Millimiz 2,5-1,5 hesabı ilə qələbə qazanıb. Azərbaycan millisində Rauf Məmmədov Viktor Qaziki məğlub edib, Teymur Rəcəbov, Nicat Abasov və Vasif Durarbəyli isə heç-heçə oynayıb.
Qadın şahmatçılardan ibarət Azərbaycan millisi isə itkisiz irəliləyir. Startda Sloveniyanı məğlub edən milli hesabat turunda Niderland şahmatçılarını üstələyib 2,5-1,5. Şahmatçılardan Günay Məmmədzadə heç-heçəyə razılaşıb, Xanım Balacayeva və Gülnar Məmmədova qələbə qazanıb. Gövhər Beydullayeva isə məğlub olub.
Qeyd edək ki, bu gün Avropa çempionatında III turun görüşləri keçiriləcək. Kişi şahmatçılardan ibarət Azərbaycan millisi İsveç, qadın şahmatçılar isə Polşa ilə qarşılaşacaq.
Rəşad Rafiqoğlu, Bizim.Media
- A-
- A
- A+
İdman
11:24 / 13.11.2023
Şahmatçılarımızdan Avropa çempionatında növbəti QƏLƏBƏ - FOTO
Hazırda oxunan: Şahmatçılarımızdan Avropa çempionatında növbəti QƏLƏBƏ - FOTO
Hazırda oxunan: Şahmatçılarımızdan Avropa çempionatında növbəti QƏLƏBƏ - FOTO
164121
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
