“6-7 il bundan əvvəl verilişlərə sosial şəbəkələr haqqında danışmaq üçün ekspert kimi dəvət edirdilərsə, indi evdar kişi kimi çağırırlar”.
Bizim.Media xəbər verir ki, bu sözləri aparıcı və aktyor İlkin Həsəni qonaq olduğu “İncə səhər” verilişində deyib.
Ötən ay ikinci dəfə ata olan aktyor sevinc hisslərini bu sözlərlə dilə gətirib:
“Hər yaşın öz mövzusu var. Biz də elə bir yaşa gəlmişik ki, mövzumuz övladlarımızdır. Keçən ayın 11-i bizim də ailəmizdə bir artım oldu. Yenidən bir sevinc hissi yaşadıq. Evimizə oğul payı qismət oldu. Valideyn olaraq çox xoşbəxtəm. Arzusunda olanlara da Allah övlad payı nəsib etsin”.
Qeyd edək ki, influenser Aysel ilə evli olan İlkin Həsənin Rain adlı oğlan övladından başqa Alisa adlı qızı da var.
Rəşad Əliyev, Bizim.Media
