Bakı-Quba yolunun 127-ci km-də nəqliyyat vasitələrinin hərəkətində çətinlik yaranıb. Yolun Şabran rayonunun Sincanboyat kəndindən keçən hissəsində avtomobillər üçün müvəqqəti alternativ yol açılıb.
Bu barədə Bizim.Media-ya ərazidən keçən sürücülər məlumat verib.
Bizim.Media-nın Bakı-Quba yolunda xidmət edən tikinti təşkilatından əldə etdiyi məlumata görə, bu, müvəqqəti xarakter daşıyır. Yolun bu hissəsində elektron tərəzi quraşdırılması səbəbindən belə vəziyyət yaranıb. Hazırda sürücülər alternativ yoldan istifadə edir.
Aytəkin Alxaslı, Bizim.Media, Şimal bürosu
