Xırdalanda yerüstü piyada keçidində intihara cəhd edən vətəndaş xilas edilib.
FHN-dən Bizim.Media-ya verilən məlumata görə, xilasedicilər vətəndaşla yaxın məsafədən psixoloji söhbət aparmaqla yanaşı xilasetmə yastığı açaraq, zəruri təhlükəsizlik tədbirləri görüblər.
FHN-in xilasediciləri tərəfindən aparılan psixoloji söhbət nəticəsində vətəndaş intihar etmək fikrindən daşındırılıb.
*** 10:57
Fövqəladə Hallar Nazirliyinin (FHN) 112 - qaynar telefon xəttinə, bir nəfərin Abşeron rayonunun Xırdalan şəhərində Bakı-Sumqayıt avtomobil yolundakı yerüstü piyada keçidinin üzərinə çıxaraq intihara cəhd etməsi barədə məlumat daxil olub.
Nazirliyin mətbuat xidmətindən Bizim.Media-ya verilən məlumata görə, Xüsusi Riskli Xilasetmə Xidmətinin müvafiq xilasetmə qüvvələri dərhal hadisə yerinə cəlb olunub.
Xilasetmə əməliyyatı davam edir.
Bizim.Media
