“ABŞ Azərbaycan və Ermənistanın sülh prosesində səmərəli iştirak etmək üçün son səylərini alqışlayır”.
Bizim.Media xəbər verir ki, bunu ABŞ Dövlət Departamentinin sözçüsü Metyu Miller bu gün keçirdiyi brifinqdə deyib.
MÖVZU İLƏ BAĞLI:
Ceyhun Bayramov-Mirzoyan danışıqları 3 gün DAVAM EDƏCƏK
Miller qeyd edib ki, ABŞ bu həftə danışıqları asanlaşdırmaq üçün Ermənistanın xarici işlər naziri Ararat Mirzoyan və Azərbaycanın xarici işlər naziri Ceyhun Bayramovu qəbul etməkdən məmnundur, çünki onlar Cənubi Qafqaz regionunun sülhsevər gələcəyə doğru səylərini davam etdirirlər.
“ABŞ Ermənistan və Azərbaycanın sülh prosesində məhsuldar iştirak etmək üçün son səylərini alqışlayır, və biz bu prosesi inkişaf etdirmək üçün onlara hər cür köməkliyi göstərməyə davam edəcəyik. Bu gün cümə axşamına qədər davam edəcək görüşlərin ilk günü olub".
Qeyd edək ki, bu gün ABŞ-da start götürən Azərbaycan və Ermənistan XİN rəhbərlərinin görüşünün 29 iyuna qədər davam edəcəyi gözlənilir.
Bizim.Media
