“WhatsApp”da növbəti YENİLİK

“WhatsApp” istifadəçilərə mesajları məhdud müddət ərzində çatın yuxarı hissəsində saxlamağa imkan verən yeni funksiyanı sınaqdan keçirir.

Bizim.Media xəbər verir ki, bu funksiya hazırda Android üçün “beta” səviyyəsindədir və onun iOS-da stabil versiyaya nə vaxt buraxılacağı hələlik məlum deyil.

Yeni funksiya işə düşərsə, həm şəxsi, həm də qrup söhbətləri üçün əlçatan olacaq.

Gələcəkdə istifadəçinin mesajın “pin” edilmə müddətini dəqiq təyin edə bilməsi də mümkündür. Belə ki, istənilən vaxt mesajı “pin”dən çıxara bilərsiniz.

“WhatsApp” əvvəllər naməlum zəng edənlərin zənglərini səssiz rejimə keçirməyə icazə verirdi. Xidmət həmçinin messencerin bütün təhlükəsizlik parametrlərini öyrənməyə və istifadəçilərə onlar üçün ən uyğununu seçməyə kömək edəcək zaman məxfiliyinin yoxlanılması rejimini əlavə edib.

Rövşən Ziya, Bizim.Media