Dövlət Neft Şirkəti (SOCAR) "Şahdəniz" Hasilatın Pay Bölgüsü Sazişindəki 14,35 %-lik iştirak payını "Cənub Qaz Dəhlizi Upstream" MMC-yə satıb.
Bizim.Media bu barədə SOCAR-a istinadən xəbər verir.
MÖVZU İLƏ BAĞLI:
SOCAR-ın ötənilki xalis mənfəəti 9 milyard manatı ötüb
Məlumata görə, şirkət həmçinin Cənubi Qafqaz Boru Kəmərindəki 14,35 %-lik iştirak payını "Cənub Qaz Dəhlizi Midstream" MMC-yə ötürüb.
Qeyd edək ki, "Şahdəniz" perspektiv sahəsinin kəşfiyyatı, işlənməsi və hasilatın pay bölgüsü haqqında saziş 1996-cı il iyunun 4-də imzalanıb. "Şahdəniz" üzrə hasilatın pay bölgüsü (PSA) sazişi 17 oktyabr 1996-cı ildə ratifikasiya olunub. Bakıdan 70 km cənub-şərqdə yerləşən yataq 1999-cu ildə kəşf olunub.
Hazırda “Şahdəniz”də iştirak payları belədir: bp (operator – 29,99%), Cənub Qaz Dəhlizi (21,02 %), “LUKOYL” (19,99 %), TPAO (19,00%) və NİKO (10,0%).
Bizim.Media
