Rostovda “Vaqner”in tankı hərbi qərargahın yolunu BAĞLADI - VİDEO 

“Vaqner” özəl hərbi şirkətinin Rostov-na-Donuya yeritdiyi hərbi texnikanın görüntüləri üzə çıxıb.

Bizim.Media xəbər verir ki, videoların birində Rostovda sirkin darvazasına ilişən tank əks olunub. 

“Baza” “Telegram” kanalı öz mənbələrinə istinadla bildirib ki, tank Rostov sirkinin qapılarında ilişib qalmayıb, sadəcə, sirkin yanındakı Cənub Hərbi Dairəsinin qərargahının fasadlarından birini bilərəkdən bağlayıb. 

Qeyd edək ki, ''Vaqner'' hərbi təşkilatı gecə saatlarında Ukraynadakı mövqelərini tərk edərək Rusiya ərazisinə daxil olub. Təşkilatın rəhbəri bu addıma səbəb kimi ''Vaqner''in düşərgələrinə raket hücumunun həyata keçirilməsini göstərib. Priqojin hücumun Rusiya MN-nin bölmələri tərəfindən edildiyini yazıb.
Rusiya MN isə bu iddianı təkzib edib. Rusiya Baş Prokurorluğu tərəfindən Priqojinə silahlı üsyana təhrik maddəsi ilə cinayət işi açılıb. Bu gün səhər saatlarında isə Rostov şəhəri və Cənub Hərbi Dairəsi Qərargahı “vaqnerçi”lər tərəfindən ələ keçirilib. 

Bizim.Media