Qusarda mənzillərdə içməli su bulanıq gəlir - SƏBƏBİ AÇIQLANDI - FOTO/VİDEO

Hazırda oxunan: Qusarda mənzillərdə içməli su bulanıq gəlir - SƏBƏBİ AÇIQLANDI - FOTO/VİDEO

142024

Qusar şəhərində və ətraf yaşayış məntəqələrində içməli su çox mənzillərdə bulanıq vəziyyətdə gəlir.

Bu barədə Bizim.Media-ya Qusar şəhərinin yuxarı hissəsində yaşayan sakinlər məlumat verib.

Bildirirlər ki,yağış yağan kimi içməli su bulanıqlaşır, krandan qapqara çirkli su axır.

Onların sözlərinə görə, su haqqını vaxtında və tam ödədikləri halda, belə su içməyə məcbur olurlar, bu da səhhətlərində problem yaradır.

Sakinlərin şikayəti ilə bağlı "Azərsu" ASC-nin Quba regional su-kanal idarəsinin Qusar sahəsindən bildirildi ki, bulanıq su gəlməsi son günlər yağan intensiv leysan yağışları ilə bağlıdır: “Qusarçaya güclü sel gəlib. Hazırda çaydan saniyədə 15-20 kubmetr su axır.

Dağlardan gələn yağış suları içməli su xəttlərinə də təsir edib, qurğulara su sızması var. Qısa vaxt ərzində suların durulması təmin ediləcək”.

Aytəkin Alxaslı, Bizim.Media, Şimal bürosu