Separatçı rejimin prezidenti Arayik Arutyunyan general-leytenant Cəlal Arutyunyana Vətənin müdafiəsi və təhlükəsizliyinin təmin edilməsində göstərdiyi cəsarətinə və hünərinə, eləcə də müstəsna xidmətlərinə görə Qondarma Dağlıq Qarabağın “qəhrəman” -ı adını verib.
Bizim.Media armenpress.am saytına istinadən xəbər verir ki, Arayik Arutyunyan hesab edib ki, bu ad Ermənistan ordusunun qəhrəmanlıq mübarizəsinə verilən qiymətdir.
Onun fikrincə, Azərbaycan xalqına qarşı vəhşiliklər və saysız-hesabsız terror törədən Ermənistan ordusunun həm komanda heyəti, həm də bütün bölmələri müharibənin ilk günündən yüksək peşəkarlıq və sədaqət nümayiş etdirib.
Qondarma prezident Cəlal Arutyunyanı özlərinin qəhrəmanı adlandırıb və gələcək nəsillərə nümunə göstərib.
Cəlal Arutyunyanın səhhətinə gəlincə, A.Arutunyan həkimlərin dediklərinə görə, onun tezliklə sağalacağını bildirib: “ O, sağalma mərhələsindədir və tezliklə “vətənə” xidmətini davam etdirəcək. Əminəm ki, komandirin zəngin təcrübəsi və bilikləri uzun müddət bizə gərək olacaq.”
Xatırladaq ki, Cəlal Arutunyan döyüş mövqeyində ağır yaralanıb. Oktyabrın 27-də isə o, separatçı rejimin müdafiə naziri vəzifəsindən azad edilib. Amma erməni tərəfi Arutunyanın ölümü ilə bağlı yayılan məlumatları təsdiqləmir.
Aynur Nadirqızı, Bizim.Media
