Ötən gün avtibusdan enən zaman yol qəzasına düşərək xəsarət alan məktəbli qızla bağlı xəbər var. Kliniki Tibbi Mərkəzin Təcili təxirəsalınmaz tibbi yardım şöbəsinə yerləşdirilən məktəbli sağalaraq evə buraxılıb.
Bu barədə Bizim.Media-ya Kliniki Tibbi Mərkəzin mətbuat katibi Aqşin Ağayev məlumat verib. Onun sözlərinə görə məktəblinin vəziyyəti normallaşıb və öətn gün axşam evə buraxılıb.
MÖVZU İLƏ BAĞLI:
Bakıda dəhşətli QƏZA: Avtobusdan düşən şagirdi maşın VURDU - VİDEO
Qeyd edək ki, hadisə paytaxtın Yasamal rayonu, Parlament prospektində baş verib. Minik avtomobili dayanmış avtobusu sağdan ötməyə çalışıb. Bu zaman avtobusdan düşən məktəbli qızı vurub.
Xəsarət alan qız İncəsənət Gimnaziyasının 7-ci sinif şagirdi Nərmin İmanzadədir.
Faktla bağlı Səbail rayon Polis İdarəsinin İstintaq şöbəsində araşdırma aparılır.
Alçina Amilqızı, Bizim.Media
