Siyəzəndə baş verən yanğın söndürülüb.
Bu barədə Bizim.Media-ya Fövqəladə Hallar Nazirliyinin mətbuat xidmətinin əməkdaşı Ehtiram Xəlilov məlumat verib.
MÖVZU İLƏ BAĞLI:
Siyəzəndə istirahət mərkəzi YANIR - ÖZƏL
Bildirilib ki, Fövqəladə Hallar Nazirliyinin “112” qaynar telefon xəttinə Siyəzən rayonu, “QALA PARK” restoranın ərazisində yanğın baş verməsi barədə məlumat daxil olub və dərhal əraziyə Nazirliyin Dövlət Yanğından Mühafizə Xidmətinin qüvvələri cəlb olunub.
Hadisə yerində əməliyyat şəraiti qiymətləndirilərkən yanğının restoranın ərazisində bir dam altında tikilmiş 55 m² sahədə yerləşən mühafizə otağı, market və qazanxanada baş verdiyi müəyyən edilib.
Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində yanğın genişlənməsinə imkan verilmədən qısa müddətdə söndürülüb, restoran yanğından mühafizə edilib.
Bizim.Media
