İplə boğularaq öldürülən 18 yaşlı gəncin qətlinin TƏFƏRRÜATI

Hazırda oxunan: İplə boğularaq öldürülən 18 yaşlı gəncin qətlinin TƏFƏRRÜATI

132988

Aprelin 22-nə keçən gecə Şamaxı rayonu Mədrəsə qəsəbəsində 2005-ci il təvəllüdlü Ramin Zaur oğlu Hacıyevin əmisi oğlu tərəfindən iplə boğularaq qətlə yetirilməsinin təfərrüatı üzə çıxıb.

Bizim.Media Qafqazinfo-ya istinadən xəbər verir ki, hadisənin qısqanclıq zəminində baş verməsi müəyyən edilib.

İlkin araşdırmalar zamanı məlum olub ki, qəsəbə sakini, 1994-cü il təvəllüdlü Tural Hacıyev gecə saat 3 radələrində yaşadığı evin həyətində Quşçu kəndində yaşayan əmisi oğlunu görüb.

O, qısqanclıq zəminində əmisi oğluna hücum edərək onu boğmağa başlayıb və hadisə yerində öldürüb.

O da məlum olub ki, 5 il əvvəl Ramin Hacıyevin atası Zaur Hacıyev də Şamaxıda qətlə yetirilib. Belə ki, 2018-ci il yanvarın 18-də “Acıdərə” adlanan ərazidəki fermada çobanlıq edən Zaur Hacıyev qonşu fermada yaşayan Natiq Bünyadov tərəfindən odlu silahla öldürülüb. Həmin hadisənin də qısqanclıq zəminində törədilməsi məlum olub.
Araşdırmalar davam etdirilir.

Bizim.Media