“Matrisa”da çəkilmək üçün Hollivud ulduzu onurğasındakı travmasını GİZLƏDİBMİŞ - FOTO

Hollivud aktyoru Kianu Rivsın səhhətində ciddi problemlər yaranıb.  

Bizim.Media xəbər verir ki, bu haqda isə 58 yaşlı kinoulduz qonaq olduğu “The Art of Action” layihəsində danışıb. 

Kianu “The Matrix” filmində rol almaq üçün onurğa zədəsini rejissor Vaçovskidən gizlətdiyini açıqlayıb. 

Filmin ssenarisi Rivzin xoşuna gəldiyi üçün o, iştirak etməyə razılıq verib və layihəni müzakirə etməyə başlayıb. Vaçovski ondan döyüş sənəti məşqinə hazır olub-olmadığını soruşsa da, o zaman aktyorun boynunda problem olub. 
“Mən Çikaqoda “Zəncirvari Reaksiya” filminə çəkilirdim. Ağrılarımı azaltmaq üçün mənə onurğa sütunuma bir neçə epidural anestiziya iynələri vurdular.  Mənim yırtıq və sınıq diskim var idi, artıq hissiyyatı və tarazlığımı itirmişdim”, - deyə Rivz vurğulayıb.  

Buna baxmayaraq, aktyor rolu qəbul edib və dörd aylıq təlimə hazırlaşıb. Bir müddət sonra Rivz həkimə getməli olub, həkim onurğa sütununun darlığını aşkar edib. 

“Onurğam kolbasa kimi idi, ona görə də məşqdən əvvəl boyunbağı taxmalı idim, boynuma boşqab da qoydular. Amma bu barədə heç kimə demədim, çünki filmdə oynamaq istəyirdim. Məlum oldu ki, o zaman onurğa əməliyyatından sağalmağın yolu başqa idi. Boynuma boşqab qoydular və mənə dedilər ki, dərhal hərəkətə başla”, - deyə Kianu bildirib. 




Rəşad Əliyev, Bizim.Media