Ruslar Baxmuta elit qoşunlarını göndərir - \"Vaqner\" ağır itkilər verir

Rusiya öz ordusunun elit hissələrini, o cümlədən paraşütçüləri Baxmuta göndərməyə başlayıb.

Bizim.Media xəbər verir ki, bu barədə telemarafonun efirində Ukrayna Silahlı Qüvvələrinin Şərq Qrupunun spikeri Sergey Çerevatı danışıb.

Onun sözlərinə görə, buna səbəb "Vaqner" hərbi təşkilatın döyüşçüləri arasında böyük itkilərin olmasıdır.

“Paraşütçülərin gəlməsi vəziyyəti dəyişməyəcək. "Vaqner" çox ağır itkilər verir. Ona görə də bu istiqamə ordunun əlavə qüvvələrini göndərirlər”, deyə o, qeyd edib.

Çerevatı əlavə edib ki, Baxmuta göndərilən paraşütçü bölmələr də itki verib, çünki onlar səfərbər edilənlər arasından seçilib.
Sözçü vurğulayıb ki, ruslar hər gün Baxmutda yüzə yaxın hərbçi itirir. Bundan əlavə, çoxlu yaralıları da var.

Bizim.Media