“Turan Tovuz” yeni futbolçusunu niyə oynada bilmir? – SƏBƏB  

"Turan Tovuz"un son transferi olan Roderik Millerlə hələ matrtın 22-də rəsmi müqavilə imzalasa da, onu hələ də sifariş etməyib.  

Bizim.Media xəbər verir ki, Panama millisinin də üzvü olmuş 31 yaşlı müdafiəçinin adı hələ də Tovuz klubunun PFL-dəki iştirak ərizəsində yoxdur. 

Klubdan verilən məlumata görə bunun səbəbi sənədləşmə ilə bağlıdır. Belə ki, yeni legionerin FİFA-dan transfer vərəqi bugünlərdə təsdiqlənib gələndən sonra sifariş məsələsində son nöqtə qoyulacaq.  

Qeyd edək ki, Tovuza gələndən sonra qripə yoluxduğuna görə bir neçə gün özündə narahatlıq hiss edən Miller artıq sağalaraq məşqlərə qoşulub. 

Rəşad Rafiqoğlu, Bizim.Media