Ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə (kolleclər) ərizə qəbulu martın 15-dək davam edəcək.
Dövlət İmtahan Mərkəzindən Bizim.Media-ya bildirilib ki, martın 13-ü saat 12:15-ə olan məlumata əsasən, 88 min 472 abituriyent öz ərizəsini təsdiq edib.
MÖVZU İLƏ BAĞLI:
Ali məktəb və kolleclərə sənəd qəbulu BAŞLADI
İxtisas qrupları, eləcə də orta ixtisas təhsili müəssisələrinə qəbul olmaq üçün qeydiyyat sayı ilə DİM-in saytında statistika bölməsində real vaxt rejimində tanış olmaq mümkündür.
Abituriyentlər ekabinet.dim.gov.az internet səhifəsində “Şəxsi kabinet” yaratdıqdan sonra (“Şəxsi kabinet”i olmayanlar) istifadəçi adı və parolu ilə DİM-in müvafiq internet səhifəsinə (eservices.dim.gov.az/erizebak/erize) daxil olub, “Abituriyentin elektron ərizəsi” formasını doldurur və təsdiq edirlər (etdirirlər).
Ərizə qəbulu ilə bağlı xüsusi hallar, imtahanların keçirilməsi, müsabiqə şərtləri, tədris dili və xarici dil imtahanları ilə bağlı xüsusi hallar və digər məsələlər DİM-in saytında (Tələbə qəbulu haqqında elan Ali TM) yerləşdirilib.
Bizim.Media
